මේක ලියන්නේ දවස 6 උදේ. ඊයේ ඔක්ස්ෆඩ් නගරෙට එනකොට ටිකක් වෙලා ගියා - කිලෝමීටර් 27.3ක් පැය අටකින් ආවා. මහංසියි - දවස 6 ඇවිදින්නෙ නැති එකක් (අද දවසම ඔක්ස්ෆඩ් වල නවතින) නිසා ලිවීම කල්දැම්ම්මා.
නෝත්මුවර් වල නැවතිලා හිටපු ගෙදර 17වෙනි සියවසේ - ඒක තිබුනේ 13වෙනි සියවසේ පල්ලියක් පිටිපස්සේ - පරන ගොඩනැගිලි.
ටිකක් දුර උනාට ගමන නරක නෑ. පාර ගඟ අද්දර වුනාට අපි ඒකෙන් ඈතට ගියා අමුතු ගෙවල් තියෙන ගමක් බලන්න. ඒ උදේ පිටත්වෙලා පැය දෙකකට විතර පස්සේ. පිදුරු ගෙවල් - 17වෙනි සියවසේ. ගෙවල් සේරම මේ ජාතියේ.
මෙතෙක් දවස් වැඩිපුරම කිරි හරක් දැක්කට දවස 5 තමා බැටළුවෝ ගොඩාක් දැක්කේ. රංචු පිටින් තණබූමි වල. සීත කාලෙට කන්න එකතුකරපු පිදුරු ගොඩවල් ඒ තණබිම් වල තැනින් තැන.
අංතිමට අපි නැවතුනේ ඔක්ස්ෆඩ් වලින් කිලෝමීටර් පහක් විතර ඈතදී ටිකක් ප්‍රසිද්ද පබ් එකක්කින් යමක් බොන්නයි. ඉන්ස්පෙක්ටර් මෝස් කියන ටීවී නාට්ටියේ තියෙන පබ් එක - වෙන එකක් තියා එතන මොනරෙකුත් හිටියා!
ඔක්ස්ෆඩ් කිට්ටුවෙනකොට බෝට්ටු වැඩියි - ගඟ අයිනේ මිනිස්සුඑ හංසයන්ට කන්න දානවා. ඊටත් වැඩිය අපි දැක්කේ බෝ ගස් පෙලක්!
No comments:
Post a Comment