අද තමා පටන් ගත්ත ගොන්පාට් එක ඉවර කරන්නේ. අපි දෙන්නා ඇවිදපු මුළු දුර කි .මී. 360.18 [සිතියමේ හැටියට ක්. මී. 312.7යි නමුත් අපිට පාරෙන් එහාට මෙහාට යන්න වුනා නැවතින තැන් වල හැටියටත් එක එක දේ බලන්න ඕනවූ නිසත්]. මොකවුනත් වැඩේ ඉවරයි! අපිට ජයවේවා!
අංතිම ඇවිදපු දවස (ඊයේ) ගැන ලියන්න වෙලාවක් තිබුනෙ නෑ - ගමන ඉවරවෙලා නවාතැනට එනකොට රෑ 8.30ට විතර නිසා. ඒකයි අද ලියන්නේ. ඊයේ නවාතැනෙන් පටන්ගත්තේ 9.15ට නමුත් ඊයේ ගමන ඉවරකරපු වොක්ස්හෝල් වලට කෝච්චියේ එනකොට 10.15වුනා.
වෙනදට වඩා ගමන වෙනස් - එකක් නගර මැදින් ඇවිදින එක, අනික ලන්ඩන්වල සංචාරකයෝ පිරිලා. තව එකක් මොනවගෙද පින්තූර එහෙම ගන්නේ නැත්තේ කියලා හිතාගන්න අමාරුයි. පලවෙනි පින්තූරේ ලැම්බත් පාලම හරහා වෙස්මින්ස්ටර් ඇබේ සහ පාර්ලිමේන්තුව - මේක නොගෙන බෑ!
කලුපාටට වහලා තියෙන්නේ බිග්බෙන් ඔර්ලෝසුවේ වැඩ වගයක් නිසා.
සවුත්වාක් පාලම අතරෙන් සාන්ත පෝල්ගෙ ආසන දෙව්මැදුර පේනවා. ඒවගේම ලන්ඊඩන් වල තියෙන අමුතු ගො\ඩනැගිලිත් පේනවා. පස්සේ ටවර් පාලම (ඒක අනික් ඒවත් එක්ක පටලවෙන්නෙ නෑ - අමුතු හැඩේ නිසා.
ගඟටම අල්ලලා හදපු තට්ටු ගෙවල් බොහොමයක් තියෙනවා - සමහර පරන ඒවා ආයෙත් අලුත්වැඩියා වෙනවා.
දවසේ අව්ව හොඳටම සැරයි (ඇවිදින නිසත් එක්ක). පබ් දෙකක නැවතුනා පිපාසේ නිවාගන්න (මත්පැන් නෙවෙයි - ඇවිදීමයි මත්පැනුයි එකට බෑ!).
කටි සාක් කියන බ්‍රිතාන්‍ය නැව (1870 හදපු) දැන් සංචාරකයන්ට බලන්න තියෙනවා. ගඟේ අනික් පැත්තේ තියෙන කැනේරි වෝෆ් (Canary Wharf) ඉතා වැදගත් වාණිජ කේන්ද්‍රයක්. ඒ වගේම රුවල් ඔරු (sailing craft) හැමතැනම. අහසේ සුදුපාටට තියෙනේ අහස් යානා ගිය පාරවල්.
මේ මොනවා තිබුනත් ගඟේ හරි ගොඩබිම හරි අපෙ හිතේ තිබුනේ තෙම්ස් ගඟ හරහා බැඳලා තියෙන කුණාටු බාධකයයි (ගමන ඉවරවෙන තැන) - ඒකයි කකුලේ අමාරුයි!
ඒක ඈතින් දකිනකොට හරියට අම්මා අප්ප්ච්චී දකිනවා වගේ! ඒ නිසාම අපි දෙන්නා ඒක ඉස්සරහ ඉඳන් පින්තූරත් ගත්තා (කවදාවත් නැතුව!). මේක වැඩකරන හැටි බලන්න ඕනනම් මේ යූටියුබ් විඩියෝ එක බලන්න.
ගමන ඉවරයි - ලඟම පබ් එකෙන් එක වීදුරුව බැගින් ගත්තා ජොලියට!
තව පැය දෙකක් විතර ගියා කෝච්චි දෙකක් අල්ලලා පට්නි එන්න - එතනින් රෑට කාලා නවාතැනට එනකොට 8.30ට කිට්ටුයි.
සාරාංශය - කි. මී. 360යි; දවස් 22යි; පටන්ගන්නකොට වයස් 70යි 65යි - ඉවරවෙනකොට වයස් 80යි 75යි!
දැන් ලිව්වා ඇති. අපිටත්, කියෙව්ව අයට ජයවේවා!
